प्रथम भुजुङ महोत्सवको तयारी

बेसीशहर- 'ग्रामीण पर्यटन गाउँ भुजुङको आकर्षा, सांस्कृतिक सम्पदा र कला संस्कृतिको संरक्षण' भन्ने मूल नाराका साथ प्रथम भुजुङ महोत्सव फागुन ३० देखि चैत्र २ गतेसम्म हुने भएको छ ।
एउटै गाउँ, एउटै गाविस भएको भुजुङमा गुरुङहरुको करिब ४ सय घरधुरी रहेको छ । स्थानीय गुरुङ कलासंस्कृतिको संरक्षण गर्न तथा महोत्सवबाट आन्तरिक तथा बाहृय पर्यटन पर््रवर्द्धन गरी भुजुङबासीको आर्थिक स्तर उकास्न महोत्सव गर्न लागिएको आयोजकहरुले बताएका छन् । महोत्सव मूल आयोजक समितिका संयोजक नारायणबहादुर गुरुङले प्रथम भुजुङ महोत्सवमा करिब ३० हजार दर्शक भित्र्याउने लक्ष्य राखिएको बताए । महोत्सवमा स्थानीय कला संस्कृति, भेषभूषा, हस्तकला, कृषि तथा जडिबुटी पर््रदर्शनी, लोपोन्मूख सती घाँटु लगायतका आकर्षा रहेका बिहीबार आयोजित पत्रकार सम्मेलनमा बताइयो । महोत्सवलाई नेपाल पर्यटन बोर्ड, जिल्ला विकास समिति, स्थानीय गाविस, एक्याप, भुजुङ लघु जलविद्युत आयोजना लगायतले सहयोग गर्ने बताइएको छ ।