हिमाचुलीको अधिवेशन

बेसीशहर असार २४ । हिमालचुली कला साहित्य प्रतिष्ठान लमजुङको अधिवेशन यही साउन ३ गते बेसीशहरमा हुने भएको छ ।
कला र साहित्यको उत्थान र विकासका लागि गत बर्षवैशाखमा जन्मिएको प्रतिष्ठानको यो पहिलो अधिवेशन हो । अधिवेशनको उद्घाटन वरीष्ठ साहित्यकार सरुभक्तले गर्ने कार्यक्रम रहेको छ । अधिवेशनले आगामी कार्यकालका लागि नयाँ नेतृत्व चयन गर्ने बताइएको छ । प्रतिष्ठानका उपाध्यक्ष स्वर्गीय रमेशकुमार पियाको स्मृतिमा स्थापना गर्न लागेको पुरस्कारको विषयमा समेत अधिवेशनमा छलफल गरिने अध्यक्ष आनन्द घिमिरेले लमजुङ आवाजलाई बताए ।