एचआइभी संक्रमित ८७ जना

बेसीशहर भदौ ७
लमजुङ जिल्लामा हालसम्म ८७ जना एचआईभी संक्रमित भेटिएका छन् ।
एच आइ भी एड्सको क्षेत्रमा काम गर्ने संस्था लमजुङ सहयोगी समूहको उद्घाटनका अवसरमा यो जानकारी दिइएको हो । कार्यक्रममा जिल्ला एड्स समन्वय समिति लमजुङका कार्यक्रम संयोजक विष्णुबहादुर थापाले ६१ पुरुष र २४ जना महिलाहरुमा एचआईभी संक्रमण देखिएको बताए । एचआईभी संक्रमित मध्ये ४ जनाको मृत्यु भईसकेको पनि सो अवसरमा जानकारी दिइएको थियो ।
प्रमुख जिल्ला अधिकारी हरिकृष्ण उपाध्यायको प्रमुख आतिथ्यमा सम्पन्न कार्यक्रममा स्थानीय विकास अधिकारी तथा जिल्ला एड्स समन्वय समितिका अध्यक्ष दिनानाथ लम्सालले एच आइ भी रोगका बारेमा प्रकास पारेका थिए ।
कार्यक्रममा लमजुङ सहयोगी समूहका अध्यक्ष साधुराम पण्डितले लमजुङमा एच आइ भी संक्रमितहरुको संख्या १ हजारको हाराहारीमा रहेको बताउँदै उनीहरुको सहयोगका लागि समूहले कार्यक्रम विशेष कार्यक्रम ल्याउन लागेको जानकारी दिएका थिए ।