झिलीमिली कुन्छा बजार

बेसीशहर असोज ७
लामो प्रतीक्षा पछि पुरानो सदरमुकाम कुन्छा बजारमा बिजुली बलेपछि स्थानीयवासी हषिर्त भएका छन् ।
विद्युतको पोल र तार टाँगेको ३ वर्षपछि बल्ल बल्ल कुन्छामा विजुली बलेको हो । लमजुङ विद्युत् उपभोक्ता संस्थाले मिटरवक्स वितरण गरेपछि अहिले कुन्छाबासीको घर घरमा विजुली बत्तीको उज्यालो छ ।
कुन्छा गाउँ विकास समितिको सहयोगमा कुन्छामा बिजुली बत्ती बले पछि करिव ५ सय ८० घर लाभान्वित भएका छन् । यस अघि गाउँ पारी पर्ने तनहूँको रुपाकोटमा झलमल्ल विजुली बलेको हेरेर बस्न उनीहरु बाध्य थिए । बिजुली नियमित छैन । बेला बेला बत्ती झयाप्प गइरहन्छ तापनि गाउँपारीको विजुलीको उज्यालो हेरर बस्न अब गाउँलेहरुलाई परेको छैन ।