बालबालिकाको जन्मदर्ता अभियान सम्पन्न

अर्चलबोट कार्तिक २६
यस गाविसमा गाविसभरका बालबालिकाको जन्मदर्ता शिविर सम्पन्न भएको छ । यही कार्तिक २२ र २३ गते सम्पन्न शिविरमा गाविसभरका ३ सय ५४ बालबालिकाको जन्म दर्ता गराइएको थियो ।
जन्मदर्ता शिविर महिला आपसी सहयोग केन्द्र भारतेको सहयोग र गाविस अर्न्तर्गतको बाल संरक्षण समिति, बालप्रतिभा मञ्च, लक्ष्मीनारायण मा.वि., महिला आपसी सहयोग केन्द्र क्षेत्र नं. ३, गाउँ विकास समिति तथा त्यहाँस्थिति सम्पर्ूण्ा राजनीतिक दलको समन्वयमा सम्पन्न भएको थियो ।
जन्मदर्ता बालबालिकाको अधिकार र अभिभावकको दायित्व हो भन्ने कुरा गाउँलेहरुलाई बुझाउन शिविरको आयोजना गरिएको र सफलसमेत भएको महिला आपसी सहयोग केन्द्रका सहजकर्ता धनकुमारी गुरुङले बताइन् ।