प्रशासनले जेलर नेत्रप्रसाद अधिकारीलाई कारबाही गर्ने

बेसीशहर, माघ ८
लमजुङ कारागारमा रहेका एक बन्दीको मृत्यूमा भएको विषयमा त्यहाँका जेलरलाई कारबाही गर्ने भएको छ । उपचारमा ढिलाई भई कैदीको मृत्युभएको विषयमा प्रशासनले जेलर नेत्रप्रसाद अधिकारीलाई कारबाही गर्ने भएको हो ।
लमजुङको बेसीशहर गाउँ बिकास समिति वार्ड नं ६ घर भइ कर्तव्य ज्यान मुद्धामा बन्दी जीवन विताइरहेका खड्ग बहादुर अधिकारीको विहिबार मृत्यू भएको थियो । कारागारमा एक्कासी बेहोस भएपछि अधिकारीलाई उपचारको लागि सामुदायिक अस्पाताल ल्याइएपनि त्यहाँ उपचार हुन नसकेपछि पोखरा लैजाने क्रममा बाटोमा मृत्यु भएको थियो ।
मृतकका आफन्तले जेलर नेत्र प्रसाद अधिकारीले एक दिन अगावै बिरामी हँुदा समेत समयमै उपचार गर्न नलगेको आरोप लगाएका छन् । उपचारमा ढिलाइ गरेका कारण अधिकारीको मृत्यु भएको भन्दै मृतकका आफन्त र बेसीशहरका स्थानीयबासीले शुक्रबार दिनभर बिरोध पर््रदशन गरेका थिए । प्रशासनले जेलरलाई अनुसन्धान गरी कारबाही गर्ने सहमति जनाएपछि विरोधको कार्यक्रम स्थगित गरी परिवारले मृतकको शव बुझेका थिए । जेलरको लापरबाहीको विषयमा अनुसन्धान गर्न निमित्त प्रमुख जिल्ला अधिकारी मोहन अर्याल, प्रहरी र मृतकको श्रीमति र्सर्ुयकला अधिकारी समेतको समिति बनाउने सहमति भएको छ ।