बेसीशहर- पुस २८
तार्कुघाटको हर्रर्ााेटमा निर्माण हुन लागेको पश्चिमाञ्चलकै नमूना बृद्धाश्रम र राष्ट्रिय स्तरको प्राकृतिक शिक्षण अस्पतालको सहयोगार्थ आगामी माघ २ गतेदेखि पाउँदीबजारमा सञ्चालन हुन लागेको श्रीमद्भागवत महापुराणको तयारी अन्तिम चरणमा पुगेको छ ।
भागवत भाष्कर पण्डित कमलनयन गौतमले बाचन गर्ने महापुराण शुरु नहुँदै विभिन्न संघसंस्था र ब्यक्तिहरुले महापुराणका लागि सहयोग गर्ने क्रम शुरु भैसकेको छ । विभिन्न संघ संस्था र ब्यक्तिबाट हालसम्म दर्ुइलाख ६३ हजार रुपैयाँ सहयोग संकलन भैसकेको आयोजक समितिका सहसंयोजक कृष्णराज ओलियाले बताउनुभयो ।
निर्माण हुन लागेको प्राकृतिक शिक्षण अस्पताल र बृद्धाश्रमका लागि अष्ट्रेलियामा बस्ने नेपाली दाजुभाइ तथा निजामति तथा जंगी सेवामा कार्यरत रही हाल देशका विभिन्न भागमा निवृत जीवन विताइरहेका ब्यक्तित्वहरुले पनि सक्दो सहयोग गर्ने बचन दिएका उहाँले बताउनुभयो ।
महापुराणकै अबसर पारेर हर्रर्ााेटको मर्स्याङदी नदी तटमा निर्माण गर्न लागिएको बृद्धाश्रम र प्राकृतिक शिक्षण अस्पतालको हिन्दू, बौद्ध, मुस्लिम र इसाइ धर्मका चार विशिष्ट ब्यक्तित्वले बृद्धाश्रम र शिक्षण अस्पतालको शिलन्यास गर्ने छन् । विभिन्न जात जाति र धर्ममा आस्था राख्ने नेपाली धार्मिक सहिष्णुताको सन्देश दिनका लागि त्यस्तो गर्न लागिएको उहाँले जानकारी दिनुभयो ।
No comments:
Post a Comment