बेसीशहर जेठ १८-
नेपाल टेलिकमले आजदेखि लागु हुनेगरी आईपी प्रविधिमार्फ अन्तरराष्ट्रिय कल सेवा सञ्चालन गर्न लागेको छ ।
कम्पनीको जिएसएम प्रिपेड सेवा, सिडिएमए प्रिपेड सेवा तथा अन्तरराष्ट्रिय कल सुविधा भएको पिएसटिएन सेवा, जिएसएम पोस्टपेड सेवा, सिडिएमए पोस्टपेड सेवाबाट सस्तो र र्सवसुलभ रुपमा अन्तरराष्ट्रिय कल सञ्चालन गर्न लागेको हो ।यो सेवा प्रयोग गरी कुरा गर्दा उपभोक्ताहरुले समूह क अर्न्तर्गत पर्ने क्यानाडा, चीन, हङकङ, भारत, सिंगापुर, थाइल्यान्ड र अमेरिकामा प्रतिमिनेट रु.चार मात्र तिरे पुग्दछ । यस्तैगरी समूह ख अर्न्तर्गत पर्ने मलेसिया, दक्षिण कोरिया र मकाउका लागि प्रति मिनेट रु.छ र समूह ग अर्न्तर्गत पर्ने इजरायल, ताइवान, बङ्गलादेश र पाकिस्तानका लागि प्रति मिनेट रु.आठ मात्र तिरे पुग्छ ।
यस्तैगरी समूह घ अर्न्तर्गत पर्ने जापान र रुसका लागि प्रति मिनेट रु.१० र समूह ङ अर्न्तर्गत पर्ने यु.के. र अस्ट्रेलियाका लागि प्रति मिनेट रु.१२ मात्र तिरे पुग्ने व्यवस्था गरिएको छ ।
No comments:
Post a Comment